منتدى الفرح المسيحى

https://upload.chjoy.com/uploads/168413214116451.jpg

حاولوا بكل مجهودهم إنهم يوجدوا حلول بشرية ليهم
ولمشكلتهم لأنهم كانوا عريانين ( لأن الخطية بتعري )
فصنعوا ليهم مآزر بس كانت من ورق التين يعني متسترش
وآخرها هتنشف و إستخبوا من ربنا وسط الشجر 🤦‍♀️🤦🏼‍♂️
لكن الرب تعامل مع آدم وحواء
بأنه سأل سؤال؟
فَنَادَى ٱلرَّبُّ ٱلْإِلَهُ آدَمَ وَقَالَ لَهُ: «أَيْنَ أَنْتَ؟
إنت كنت بتجري عليا ونحكي
ليه بقيت خايف وبتستخبى مني؟😞
مكانش سؤال من واحد غاضب ولا كان عايز يخرجهم
من مخبئهم علشان يقبض عليهم ويوجه ليهم لوم 🤍
ولكن
كان سؤال مع صرخة من أب حزين على تصرف أولاده
اللي أنتج عنه فجوة في علاقتهم معاه 💔
كان إيه هدفك من السؤال يا رب؟
إنه يدفع آدم للإعتراف بخطيته 🫂

و إنت .... ؟؟!!
غرقان في الخطية ؟ 😥
بتصنع لنفسك حلول و بستخبى بورق تين 🍃
ربنا بيعيد السؤال ليك
أين أنت؟ 🤔
علشان يقتادك لتوبة حقيقية وعلاقة قوية ورعاية إلهية
يسوع بينادي عليك😊
مهما كانت حالتك وخطيتك وبُعدك
متجريش منه إجري عليه 😇