منتدى الفرح المسيحى - مش هتكون دي النهاية

https://upload.chjoy.com/uploads/168379294356261.jpg

❇️كان المفروض إن أستير لما تدخل للملك بدون إستدعاء تُقتل ⬅️
لكن مكانتش دي النهاية لأن الله أعطاها نعمة في عينين الملك 🤴

❇️كان الطبيعي جداً إن الفتية التلاتة يتحرقوا في الأتون المُحمي سبعة اضعاف ⬅️
لكن مكانتش دي النهاية
لأن كان معاهم الشبيه بإبن الآلهة ده اللي نجاهم 🔥

❇️كان وارد جداً إن يوسف يُحبط
ويفشل من اللي حصل معاه من إخواته ⬅️
لكن مكانتش دي النهاية لأن الله إستخدمه لنجاة العالم
من الجفاف ويكون أهم راجل في مصر 🤗

❇️كان لازم دانيال يتاكل من الأسود الجعانة اللي إترمى عندها ⬅️
لكن مكانتش دي النهاية
لأن الله ارسل ملاكه وسد افواه الأسود 🐅

لو إنت مظلوم او خايف
لو حقك مهدور ومش قادر تتحمل
أكيد مش هتكون دي النهاية لأن ليك إله بيتدخل في الوقت المناسب
وماسك بزمام الأمور وهيحول الشر للخير
مش هتكون دي النهاية