منتدى الفرح المسيحى - خلي قلبك شبه قلب ربنا وبس

https://upload.chjoy.com/uploads/168370675288171.jpg

الدنيا باقت صعبه
كلمه بنقولها لما الغلي بيزيد والاحتياجات بتزيد
بس الدنيا باقت صعبه مش ماديات لكن صعبه في القلوب
حقيقي وضع القلوب في الدنيا بقي صعب
حتي لو في احتياجات كتير في الدنيا
بس لما تلاقي حواليك قلوب صادقه بتلاقي نفسك
مهما حصل الدنيا بتعدي
ومهما الاحتياجات اتسدد بس القلوب اللي حوالينا متعبه ومرهقه ومش مضمونه بتلاقي نفسك لسه محتاج
الدنيا محتاجه قلوب نقدر نتعامل معاها براحه وامان
حرفيا قليل لما تبقي حاسس ان القلوب اللي حواليك
انت مرتاح معاهم
ليه بقينا اللي في قلوبنا حاجه واللي في لسانا حاجه
واللي في وشنا حاجه
ليه بنكسب ايه لما قلبنا يبقي كده
الدنيا صعبه لان القلوب صعبه
انا بتصعب عليا القلوب دي لان القلوب دي مش مرتاحه
الانسان الروحي حتي لو بيغلط بس قلبه مفتوح ناحيه ربنا
بيبقي مش بيتأثر بالقلوب دي مش بتعطله عن طريقه حتي لو هو بيقع وبيغلط
اتمسك بقلب المسيح في حياتك وخلي قلبك شبه قلبه وبس
وهو بقي هايوزن القلوب
والمهم اوعي قلبك يبقي شبه القلوب اللي انت تعبت منها
خلي قلبك شبه قلب ربنا وبس