منتدى الفرح المسيحى - الحب الصحيح بيعالج ويدواي ويدي فرصة تانية

https://upload.chjoy.com/uploads/168300858631731.jpg

الحب والقبول
بيعالج مشاكل كتير
بيداوي ويلئم الجروح
وبيوقف الشخص تاني على رجله
يعني الإبن ياخد ثروة أبوه في حياته ويمشي
ويسيب البيت دي غلطة كبيرة وإهانة 🤦🏼‍♂️
بس محبة الأب الحقيقية
خلته يتوقع رجوع ابنه لحضنه تاني ويستنى مجيئه
حتي بعد اللي عمله ؟! 🤍
ولما شافه من بعيد جري عليه وقبله وحضنه
بدون أي شروط لأنه عارف إن البعد عن بيت باباه فيه معاناه وتعب 😍
دخله بيته وخلّاه يبدل ثيابه
بدون ولا كلمة عتاب واحدة لأنه عارف أن ريحة الخنازير صعبة
وغير محتملة
وكمان دبحله العجل المسمن لأنه عارف قد إيه الجوع قاسي
وبيت الأب مليان بالأكل والخير وإنه إتحرم من كل ده 🐂
ولبسه خاتم الملك في إيده
لأنه عارف إن اللي عمله أفقده سلطانه
لكن هو بيرجع له مكانته تاني وسلطانه 💍
لأَنَّ ابْنِي هذَا كَانَ مَيِّتًا فَعَاشَ، وَكَانَ ضَالاًّ فَوُجِدَ
. فَابْتَدَأُوا يَفْرَحُونَ. (لوقا ١٥: ٢٤)
الحب الصحيح بيعالج ويدواي ويدي فرصة تانية
أشجعك تتمتع بحضن أبوك ومحبته😇
حب الناس اللي حواليك و إقبلهم لأن بالحب
والقبول تسترد العلاقات مرة تانية