منتدى الفرح المسيحى - ماتقدمش للناس غير اللي جاي من فوق!

https://upload.chjoy.com/uploads/168276596548421.jpg

وقال لي.. اصمت.. وبطل حركة كتير.. عشان تلقاك.
ولما تلقى نفسك.. هاتلقى فيها كل اللي هاتخدمهم..
واللي ليك دور في مسيرة حياتهم.. وهاتلقى فيك.
. اللي ينفع تقدمه ليهم.
أما.. إن تُهت عنك.. فمش هاتقدم للي حواليك غير.. التوهان.
وهايبقى العمر ضاع منك.. ع الفاضي.. وماوصلتش لهدف الحياة.
والناس مش محتاجة.. هري كتير.. ولا كتر كلام وأفعال.
لكن.. يمكن لكلمة واحدة.. وفعل قليل، بس جايين من فوق.. فيهم قوة.. وبيعملوا تغيير... فلو معندكش ده.. فالأفضل ماتقدمش حاجة!
ماتقدمش للناس.. غير.. اللي جاي من فوق!
وافتكر دايمًا.. إنك هنا.. أساسًا.. عشان تلاقيك.. في المحبوب❤️
مع_معلمي