منتدى الفرح المسيحى - يكون له نور الحياة

https://upload.chjoy.com/uploads/168267295439231.jpg

باخاف من الضلمة 😰
في الحقيقة الواحد بيكون خايف من فكرة إنه مش عارف
إيه اللي مستنيه😨
ساعات الضلمة بتكون مجهول وساعات بتكون خطية
وساعات بيكون إكتئاب 🥺 ضلمة..

النهارده صحيت حاسة الضلمة دي جوايا..
وفتحت الكتاب لاقيت الكلمات دي في وشي:
ثُمَّ كلَّمَهُمْ يَسوعُ أيضًا قائلًا: «أنا هو نورُ العالَمِ.
مَنْ يتبَعني فلا يَمشي في الظُّلمَةِ بل يكونُ لهُ نورُ الحياةِ».
يوحَنا ٨ : ١٢
هو نور العالم!!

وكمان قال:
أيضًا إذا سِرتُ في وادي ظِلِّ الموتِ لا أخافُ شَرًّا،
لأنَّكَ أنتَ مَعي. عَصاكَ وعُكّازُكَ هُما يُعَزّيانِني.
المَزاميرُ ٢٣ : ٤
يعني لو إنت قاعد في الضلمة هو معاك
و مش بس كده ده هو النور اللي يقدر ينور ضلمتك
(أياً كان إيه سبب الضلمة) هو يقدر ينورها ♥️
تعالى النهارده اطلبه بإيمان لضلمتك🙏🏼

صباح النور🕯️