منتدى الفرح المسيحى - صديق الشده وصديق المرح

صديق الشده وصديق المرح
https://upload.chjoy.com/uploads/168267114518091.jpg

في رحلتك هتلاقي النوعين دول
واحد علشانك هايكون معاك في اصعب الاماكن واتعس الظروف
واقف يطبطب ويفكر ازاي يخرجك من اللي انت فيه
مستعد يجري ويتصل ويتكلم ويعافر علشان يشوفك واقف على رجلك
لا بيستنى منك اعذار ولا مبررات لاي سوء تفاهم بينكم
هو شاريك بحلوك وبمرك

وواحد بتاع الخروجه الحلوه والاكله الحلوه والسهره الحلوه
هو خارج علشانه مش علشانك
مش خارج معاك ، لا هو خارج يبسط نفسه معاك

والنوع ده عمره بيكون قصير في حياتك
لان الحياة مابتكونش وردي على طول

فكل الاصدقاء اللي اتبخروا من حواليك كانوا اصدقاء المرح
والنوع ده مايتزعلش عليه
النوع ده اعتبره فترة ودرس
فترة انبسطت فيها انت كمان
ودرس علشان ماتدورش لا عليه ولا على اللي زيه تاني

شكرا لاصحاب الشده الجدعان ❤️