منتدى الفرح المسيحى

https://upload.chjoy.com/uploads/168253296304681.jpg

الإنسان يبحث عن الأمان،
مش بس بيبحث عنه،
لا.. ده إحتياجه للأمان هو اللي بيحركة.
علشان كدةالإنسان القديم كان خوفه الدائم
من الموت، وعلشان كدة بدأ يعيش حياة مليانة
بالقوة والأسلحة عشان يحس بالأمان، وفي العصر الوسيط
كان خوفه من الخطيئة والجحيم وده خلاه يعيش
حالة من التدين الأعمى. وهكذا..

المسيحية بتقدم علاج غريب للخوف وحل يوصلنا للأمان!
وهو أن "الله بيحبك!".. يقول كدة في (1يو4 :18)
"لاَ خَوْفَ فِي الْمَحَبَّةِ، بَلِ الْمَحَبَّةُ الْكَامِلَةُ
تَطْرَحُ الْخَوْفَ إِلَى خَارِجٍ".
لكن خليني كمان أستشهد بكلام فرويد اللي بيقول
" كم يكون المرء شجاعا عندما يتأكد من أنه محبوب!".
لما تيجي تقولي أن الشخص دة بيحبك، انا هطمئن واتشجع
والمحبة اللي تطمني هنا محتاجه إثبات فعلي يأكد أنها
مش مجرد كلام، وعشان كدة الكتاب المقدس بيقول:
"لأَنَّهُ هكَذَا أَحَبَّ اللهُ الْعَالَمَ حَتَّى بَذَلَ ابْنَهُ الْوَحِيدَ، لِكَيْ لاَ يَهْلِكَ
كُلُّ مَنْ يُؤْمِنُ بِهِ، بَلْ تَكُونُ لَهُ الْحَيَاةُ الأَبَدِيَّةُ." (يو 3: 16).

وهو ده العلاج اللي بتقدمه المسيحية إله كلي المعرفة،
كلي القدرة، كلي الصلاح، بيحبك! ❤