منتدى الفرح المسيحى - بابا هيستلقاني♥️

https://upload.chjoy.com/uploads/168252663794051.jpg

بنتي وهي عندها سنة كانت بتخاف لو أي حد شالها
ورفعها لفوق شوية وهو بيلاعبها👧🏻
ماعدا باباها كان وهو بيلاعبها يحدفها لفووووق
أوي لدرجة أن أنا اللي كنت بخاف😅
بس هي كانت هاتك يا ضحك وكركعة 😂
مكنتش بتخاف أبدا وهي في الهوا
علشان عارفه أن بابا هو اللي هيستلقاها🥰

حسيت أن ساعات بنمر بوقت كأننا محدوفين في الهوا "موقف مرعب الحقيقة"
بس القصة كلها في أني أثق أن بابا هيستلقاني♥️
وأمّا الإيمانُ فهو الثِّقَةُ بما يُرجَى والإيقانُ بأُمورٍ لا تُرَى.
العِبرانيّينَ ١١ : ١
هو ده الإيمان…
ثقة وإيقان في وقت ما أنا في هوا أن بابا هيستلقاني♥️