منتدى الفرح المسيحى - شخصيات كتابية نتعلم منها { يوئيل النبى }

https://upload.chjoy.com/uploads/168227951200171.jpg

يوئيل النبي
معنى اسمه يهوه هو الله
من الأنبياء الصغار وعرفنا قبل كده ان الانبياء الصغار نظرا لصغر حجم النبوة وفترتها
واتجمع كل الأسفار للأنبياء الصغار نظرا لأنهم كلهم بيخدموا موضوع واحد
وهو نكبات بني اسرائيل من اثناء السبي وبعده
كتب سفر يوئيل ومكون من 3 أصحاحات فقط لكن عمقها الروحي جميل
تعالوا نشوف هنتعلم ايه من يوئيل النبي؟
1- يوئيل المشجع
كان كل كلام يوئيل مشجع حتى برغم ان الفترة اللي تنبأ فيها كان الشعب ضايع
من كل ناحية ان كان نفسيا وروحيا وماديا
لكن نلاقيه يقول ( يوئيل 2: 25)
«وَأُعَوِّضُ لَكُمْ عَنِ السِّنِينَ الَّتِي أَكَلَهَا الْجَرَادُ، الْغَوْغَاءُ وَالطَّيَّارُ وَالْقَمَصُ،
جَيْشِي الْعَظِيمُ الَّذِي أَرْسَلْتُهُ عَلَيْكُمْ.
( يوئيل 2: 28)
« وَيَكُونُ بَعْدَ ذلِكَ أَنِّي أَسْكُبُ رُوحِي عَلَى كُلِّ بَشَرٍ، فَيَتَنَبَّأُ بَنُوكُمْ وَبَنَاتُكُمْ،
وَيَحْلَمُ شُيُوخُكُمْ أَحْلاَمًا، وَيَرَى شَبَابُكُمْ رُؤًى.
هو الجراد بيخلي حاجة وراه سليمة؟
لكن ربنا قادر يعوض حتى لو كل اللي عندك ضاع
وده نلاقيه واضح في كلامه في الأصحاح الأول والتاني لغاية آية 17
2- يوئيل سفير الله
كان يوئيل سفير لله دايما يتكلم عنه
لما الشعب كله واقع وضايع ويائس كان يوئيل بيتكلم عن عطف الله
وان الله يمنح بركات كتير روحية ومادية
وده نلاقيه واضح في كلامه في الاصحاح التاني من اية 18 لاخر الأصحاح
3- يوئيل المحذر
برغم انه طول الاصحاحين بيتكلم عن تشجيع الشعب على التوبة
لكن نلاقيه في الأصحاح التالت بيحذر الأمم الخاطئة و اللي تتمادى في الخطأ
رغم الفرص اللي قدمها ليها ربنا للرجوع
تعالوا نطبق اللي اتعلمناه
1- كن دايما مشجع لغيرك وامتدح اعمالهم حتى لو بسيطة
كن مثل إلهك اللي قصبة مرضوضة لا يقصف وفتيلة مدخنة لا يطفئ
2- في كل مكان اتكلم عن ربنا ، اتكلم عن احساناته ليك ، اتكلم عن عطفه وحنانه
هتقدر انك تخرج انسان يائس من يأسه
تقدر تفكر الخسران بتعويضات الله
3- حذر الجميع بأعمالك مش بلسانك
خلى الناس تتشبه بيك بأعمالك الصالحة
ولو شفت غلط من شخص انصحه ما بينك وبينه علشان لا تحرجه