منتدى الفرح المسيحى - ويرجع تاني الروح القدس ياخد مكانته جوانا

https://upload.chjoy.com/uploads/168227860575441.jpg

الرب يسوع عند صعوده وصى التلاميذ
إنهم ينتظروا في أورشليم لحد لما يمتلئوا من الروح القدس🕊️
لأنه كان عارف إن كل شئ هيعملوه
هيكون بمساعدة وإتكال وبمعونة الروح القدس 😇
وفضلت الكنيسة تنمو وتستمر وتخدم بالرغم
من كل صعوبات وإضطهاد إتعرضت ليه ⚔️
وده ببساطة لأنهم كانوا مصلين وممتلئين من الروح القدس🔥
وكنت بأفكر هي ليه الكنيسة حالياً مش بنفس قوة الكنيسة الأولى؟ 🤔
وأعتقد إن واحد من ضمن الأسباب
إن شخص الروح القدس أصبح زائر وليس ساكن 🏃🏿‍♂️
ضيف مش صاحب 🙂
حزين مش فرحان 😥
علشان كده إحنا كأفراد مش قادرين نتمتع
بنفس القوة اللي كانت عليها الكنيسه الأولى 😓
لكِنَّكُمْ سَتَنَالُونَ قُوَّةً مَتَى حَلَّ الرُّوحُ الْقُدُسُ عَلَيْكُمْ (أعمال الرسل ١: ٨)
لكن ينفع نرجع تاني ونتوب عن كل أمور
وقرارات بنعتمد فيها على أنفسنا وعن كل فتور
وعن كل خطية بسببها انطفى وحزن الروح القدس جوانا 🙏
ويرجع تاني ياخد مكانته في حياتنا وعلاقتنا وشغلنا وخدمتنا
و كمان داخل الكنيسة✌️
ساعتها هنختبر حضور و إستخدام يفوق العقل🔥