منتدى الفرح المسيحى - الزعلوميتر من أهم مهارات نجاح العلاقات الإنسانية

https://upload.chjoy.com/uploads/168216934902851.jpg.

لو فى يدى لابتكرت جهاز يقيس الزعل ،
و أعطيت منه هدية مجانية لكل واحد مهما كانت تكلفته !!

اكتر ما يجرح انسان ان ما حدش قاس زعله
و قدره و رطب قلبه و جبر خاطره..

و الزعل أصله انواع ..

فيه "شديد الزعل" الحساس قوى، اللي بيشيل
و يخبي و ما بيتكلمش..
ده غالبا ياما اتجرح و اتأذي و ياما عاتب
و العتاب ما فرقش مع اللي عاتبهم
؛ و يمكن العكس عتاب الناس زود وجعه ..

ده اللى بيسكت موجوع ، و بيصعب عليه لجوه ،
و بيسكت مقهور ؛ و كل اللي بيتمناه حد بس يقوله "زعلك غالى "
و ينسي كل إللى حصل "بكلمة" ..

و فيه "عديم الزعل" ، اللى ما بيفرقش معاه
، و عود نفسه انه ما يتوجعش ، لكن يوجع فى الحال
و يخلص حقه اول بأول، و يكيّل و يدى ، و ينام غالب
، و يقدر ينهى العتاب من غير ما يسيب توابع ..

و فيه "متوسط الزعل" ، اللى مصالحته سهلة ،
او هو اللى مخليها سهلة ، علشان يعدى الأمور و يخللى الدنيا بسيطة ..

انت بقى عليك تقيس زعل اللى قدامك بحكمة
و تعامله على اساس درجة زعله هو ، مش طريقة زعلك انت ..

"الزعلوميتر" من أهم مهارات نجاح العلاقات الإنسانية..