منتدى الفرح المسيحى - انتَ معايّ في طريق عمواس 😍

https://upload.chjoy.com/uploads/168199332897441.jpg

زماااااان كان ماشي إتنين رجالة في طريق
وقلبهم كان حزين ومغلوب لأن رجاءهم في المسيح راح.. 😞
بالنسبالهم يسوع إللي عرفوه مات ومات معاه إيمانهم.. 😢
كانوا مشغولين ووشهم عابس.. مكانوش متخيلين
إن فيه طريق جديد بعد الموت...
مكانوش متخيلين قوة القيامة لأنهم كانوا مركزين أفكارهم على أورشليم الأرضية...
وفي وسط الطريق.. 😮
وفي وسط نقاشهم قرب ليهم يسوع وقرر يمشي معاهم..
قرر يمشي في وسط الحيرة وعدم الإيمان..
قرر يمشي وسط الكسر والحزن.. 🥺
قرر يجاوب على الأسئلة..
قرر يعلمهم.. 👨‍🏫
قرر يفتح عينيهم..
قرر يعرفهم نفسه.. 👀
قرر يمشي ويقرب ويعيد ليهم الرجاء..

النهاردة يارب في وسط لخبطة ويأس وعدم إيمان.. 🤲
في وسط أسئلة مش لاقي ليها إجابة..
في وسط شكوك وإنعدام رؤية إنت بتقرب مني
وتمشي معايا في طريقي.. 😍
تمشي معايا طريقي الخاص بيّ..
وتحكي معايا زي الصحاب وتوبخني لما احتاج..
وتشجعني على خطواتي معاك..💪

انتَ معايّ في طريق عمواس 😍

وَفِيمَا هُمَا يَتَكَلَّمَانِ وَيَتَحَاوَرَانِ، اقْتَرَبَ إِلَيْهِمَا يَسُوعُ نَفْسُهُ
وَكَانَ يَمْشِي مَعَهُمَا.
لو ٢٤: ١٥