منتدى الفرح المسيحى - كلمه باللي جواك

https://upload.chjoy.com/uploads/168196971925011.jpg

بيجيلك إحساس بالضيق 😞
إحساس بإنك خلاص إتخنقت
مش قادر تكمل بس لازم تكمل 🙈
بالرفض من اللي حواليك
بإدانة من اللي حواليك بالظلم
إحساس بالظلم 😢
و يمكن حتى إهانة

عايز أقولك إن أكتر حد يحس بيك اللي داق المشاعر دي
اللي مر بيها في وقت من حياته
اللي اتضغط زيك
اللي إتألم من ناس قريبة ليه
اللي اتهموه بالظلم

يسوع في وقت الصلب و المحاكمة مر بكل الأحاسيس دي
فهو أكتر حد حاسس بيك و كمان بيحبك جداً
هو اللي لما يقولك أنا شاعر بيك يبقى بيقولها بكل صدق
و إحساس حقيقي

ظُلِمَ أَمَّا هُوَ فَتَذَلَّلَ وَلَمْ يَفْتَحْ فَاهُ. كَشَاةٍ تُسَاقُ إِلَى الذَّبْحِ،
وَكَنَعْجَةٍ صَامِتَةٍ أَمَامَ جَازِّيهَا فَلَمْ يَفْتَحْ فَاهُ.
مِنَ الضُّغْطَةِ وَمِنَ الدَّيْنُونَةِ أُخِذَ.
وَفِي جِيلِهِ مَنْ كَانَ يَظُنُّ أَنَّهُ قُطِعَ مِنْ أَرْضِ الأَحْيَاءِ
، أَنَّهُ ضُرِبَ مِنْ أَجْلِ ذَنْبِ شَعْبِي؟ (إشعياء ٥٣: ٧، ٨)

هو اللي بيديك أمل في بكرة لأنه معاك
لأنه هو غلب حتى الموت فيقدر يديك النصرة و القوة و الفرح الحقيقي
تعالى له بكل اللي فيك
كلمه باللي جواك
هيسمعك و يقدر مشاعرك و ينقلك من كل ضيق لأنه
يُنَجِّي الْبَائِسَ فِي ذِلِّهِ، وَيَفْتَحُ آذَانَهُمْ فِي الضِّيقِ. «وَأَيْضًا يَقُودُكَ مِنْ وَجْهِ الضِّيقِ إِلَى رَحْبٍ لاَ حَصْرَ فِيهِ، وَيَمْلأُ مَؤُونَةَ مَائِدَتِكَ دُهْنًا.
(أيوب ٣٦: ١٥، ١٦)