منتدى الفرح المسيحى - قوة القيامة بترفع كل هامة👑

https://upload.chjoy.com/uploads/168196948622831.jpg

كل مرة باعيش فيها محك عملي بابقى مستنية النهاية..
مستنية أنتصر..
مستنية أرفع راسي وأقول أنا بنته اللي مشرفاه..
وكل مرة يحصل المحك بالاقي حتة جوايّ بتموت عشان يخلق فيّ حتة جديدة شبهه ..
حتة من طبيعته 😍
وقت ما باطلب سلام باتحط في موقف كله خوف
عشان بعدها ارفع راسى في الخوف بسلامه
بعد ماكون اتعلمت الدرس☺️..
ولما باطلب قوة باشوفني ضعيفة عشان اقول قوتي
في الضعف تكمل💪🏻
وفي كل مرة حتة جديدة بتكون اقوى وترفع راسى
في المحك اللي بعده..
القوة دي هي ببساطة قوة القيامة..
القوة اللي بتعلى كل صوت حق..
القوة اللي بتدي ثبات وقت الصعب وتخلي عيني مرفوعة
زي ما راسى مرفوعة..
القوة اللي بتخليني عايزة اكمل لنهر سباحة لا يعبر
لاني كل مرة باختبر قيامته في طباعي وتغييرها..
القوة اللي بتزقني أكمل مشرفة ابويّ السماوي
في طريق مفيهوش انحناء..

قوة القيامة بترفع كل هامة👑