منتدى الفرح المسيحى - لو سابك الكل هو الموجود قبل كل موجود

https://upload.chjoy.com/uploads/168124238227031.jpg
فيه ايام تلاقي نفسك وحدك تماما !!
كل الناس اتخلت عنك ، بقصد او حتي بدون قصد ..
اللي مشغول و اللي مش فاضي لك ، و اللى مش مهتم بيك و لا بغيرك ،
و اللي متجاهلك و ما بيردش عليك ، و اللى مش فاهمك ..
كمان تلاقى منهم اللى واقف ضدك و اللي واخد منك موقف ،
و اللي ظالمك و اللى قافل ودنه و اللى بيغلطك ، و اللي قلب عليك ..
ده حصل للسيد المسيح ليلة آلامه:
هُوَذَا تَأْتِي سَاعَةٌ .. تَتَفَرَّقُونَ فِيهَا كُلُّ وَاحِدٍ إِلَى خَاصَّتِهِ، وَتَتْرُكُونَنِي وَحْدى (يوحنا ١٦: ٣٢)
و حصل للرسول بولس : الْجَمِيعُ تَرَكُونِي (٢ تيموثاوس ٤: ١٦)
فى حالة الضلمة النفسية دى ، اوعى تشك فى نفسك
، دى طبيعة الناس : أسهل حاجة يخذلوك و يتخلوا عنك ..
الوحيد اللي حاسس بيك و لا ح يسيبك
و لا ح يخذلك بجد هو الله خالق نفسك و ملك قلبك
، الاب فوق كل اب ، ابو الرحمة و الحنية ..
لو سابك الكل هو الموجود قبل كل موجود و السند فوق كل سند ..
كلمه ، فضفض له ، ح ياخدك للبراح ، و السلام و بر الأمان،
و يشفي وحدتك و حيرتك و يحل لك اللي ما كانش له حل ..