منتدى الفرح المسيحى - عمره ما هيقل منك أو يشوفك قليل ❤️

https://upload.chjoy.com/uploads/168099493091291.jpg

من النقاط اللي أثرها مخرج عمل the chosen
إنه صور شخصيات تلاميذ المسيح بأنماط مختلفة ..
متي مثلاً شخص يحب يكون لوحده أغلب الوقت
و يحب يدون كل حاجة و محب للكتابة ..
المسيح إستغل ده إنه يدون جزء كبير من عظاته و يومياته و أهمها الموعظة علي الجبل ..
بطرس شخص مندفع و عصبي و يحب المغامرة
المسيح إستغل روح المغامرة دي
إنه يدخل لأعماق جديدة في الإيمان
زي إنه يمشي علي المياه و ينقل روح المغامرة دي لكل اللي هيكرز ليهم ..
و صور أحد التلاميذ إن عنده عجز في قدمه
و المسيح إستغل ده إنه يكرز لكل الضعفاء إنه ضعيف زيهم والله بيعمل بيه
و الله بيحط فيه قوته و ضعفه مش إعاقة ..
اللي عايز أقولهولك أياً كان نمط الشخصية بتاعك ..
أياً كان عيوب شخصيتك أو جسدك أو طريقتك أو شكلك ..
المسيح هيعرف يخرج منك نقطة القوة و يستخدمك بقوة ..
سيبك من كلام الناس هيكون إيه ..
خليك في نعمة المسيح و نظرته و محبته و خليك معاه ..
عمره ما هيقل منك أو يشوفك قليل ❤️