منتدى الفرح المسيحى - خرج الميت ..لعازر قام !! {سبت

https://upload.chjoy.com/uploads/168093533761791.jpg

في يوم مريت علي بيت عنيا وقلت سلام
لقيت الناس قاعدة لاحديت ولا كلام
سألت مالكم وششكم حزينة وعنيكم ملينة غمام
قالوا لعازر مات ..لعازر مات من اربع ايام
كان مريض ..والمرض هدام
واخواتة مريم ومرثا اصبحو أيتام
دول بعتوا ليسوع.. لعازر حبيبك عيان
وقال.. مش هي ده النهاية ولاهو دة الختام
لعاز حبيبنا قد نام

شوية قامت مريم تجري وطلعت قدام
قمنا وراها وقلنا دى رايحة القبر تجدد الأحزان
ولما شافت يسوع بكت خرت عند الأقدام
لو كنت موجود يا سيد ماكنش ده حصل ولا كان
انزعج بالروح وقال فين هو المكان

بكي يسوع ..بكي ابن الإنسان
وقلنا :شوف ازي كان بيحبه!
يعني مقدرش يمنع عنة الموت دة ياما شفي عميان

ارفعوا الحجر ..شيلوا الركام
لعازر هلم خارجا ..اطلع قدام
خرج الميت ..لعازر قام !!