منتدى الفرح المسيحى - فى أسبوع الآلام هتشوف العجب

فى أسبوع الآلام هتشوف العجب...
♦️هتلاقي ناس كثير جدا بتحتفل بدخول المسيح اورشليم
يوم حد السعف وهيموتوا عليه من الفرحة،
ومش هتلاقيهم يوم الجمعة، اصلهم ماشيين معاه
عشان بطنهم وقالها ليهم انتم تبعتمونى
لأنكم اكلتم من الخبز فشبعتم، أوعى تفرح باللمة الكذابة
اللى تسيبك وقت الامك..
🎊هتلاقي أكثر ناس خدمهم وقعد معاهم
وعطاهم كل حاجة اللى هما تلاميذه، كلهم هيهربوا
وقت الجد وقت الصليب ومحدش هيبقى معاه غير يوحنا الحبيب
✨️هتلاقي اللى أنكر واللى خان وباع رغم أن كل حاجة كانت معاه..
🎀هتلاقي ناس عاملة زى شجرة التين مليانة ورق
ومنظرة على الفاضي لكن ربنا يلعنهم لأنهم مرائين..
🧨ورغم كل ده هتلاقي المسيح كان مغرق البشرية
حب إلى النهاية ويطلب ليهم المغفرة وهو على الصليب..
ولاخر نفس بيرجع اللص اليمين..
#abona_Bigol_nagy