منتدى الفرح المسيحى - يومك مليان رجاء وفرح 🥰🥳

https://upload.chjoy.com/uploads/168086361798181.jpg

في كل وقت ضيق ووقت تعب بمر بيه بقف قدام الآية في رومية ١٢
إللي بيقول فيها ق. بولس
"صابِرينَ في الضّيقِ،"
وأقول حاضر هصبر بس لحد أمتى أنا فعلا تعبت
ومش مستحمل وعايز الوقت يعدي وصبري بيخلص! 😔
النهاردة فتحت أقراها لقيتها جاية كدة
“فرِحينَ في الرَّجاءِ، 😃
صابِرينَ في الضّيقِ، 😇
مواظِبينَ علَى الصَّلاةِ،”🤲

**وحسيت جوايا بأرتباط وثيق بين التلاتة
وأكتشفت أن أحنا عايزين تلاتة من دول هما الرجاء والفرح والصلاة!
بس مستصعبين التلاتة التانيين إللي هما
الصبر والضيق والمواظبة 🤓

الحقيقة عشان الضيق يعدي لازم يكون فيه الصبر🤷🏻‍♂️
وعشان الرجاء يبقى حقيقي لازم يكون بفرح🥳
وعشان الصلاة تُثمر فينا لازم يكون فيها مواظبة! 🏃‍♂️🏃‍♀️
أقرا الكلمات دي تاني وفكر فيها
وشوف عندك الصبر والفرح والمواظبة ولا لأ؟!؟
وخد وقت صلي وأطلبهم لحياتك☺️
يومك مليان رجاء وفرح 🥰🥳