منتدى الفرح المسيحى - افتكر إن هو هيجي حتي لو انت في الهزيع الرابع 💜

https://upload.chjoy.com/uploads/168086268871841.jpg

الدنيا سودة و مش باينلها حل😕
الدنيا بتبقى أصعب كل شوية😔
الضغوط حوالينا بتزيد
و المشكلة إننا بنصبر و نستنى لكن مش باين الأمل
مش شايفين المخرج
يمكن حتى مش شايفين نور
بس رغم كده
رغم كل صعب بيقابلنا
رغم سواد الليل اللي احنا فيه
تلاقيه جايلك وبصورة مبهرة😍
ايوه
التلاميذ لما كانوا في البحر هاج عليهم🌊
و قالوا خلاص بنموت بالرغم من إنهم كانوا التلاميذ
لكنهم خافوا لكن فجأة يظهر ليهم في الهزيع الرابع يسوع جاي
و ماشي على المية

وَفِي الْهَزِيعِ الرَّابعِ مِنَ اللَّيْلِ مَضَى إِلَيْهِمْ يَسُوعُ مَاشِيًا عَلَى الْبَحْرِ
. فَلَمَّا أَبْصَرَهُ التَّلاَمِيذُ مَاشِيًا عَلَى الْبَحْرِ اضْطَرَبُوا قَائِلِينَ:«إِنَّهُ خَيَالٌ»
. وَمِنَ الْخَوْفِ صَرَخُوا! فَلِلْوَقْتِ كَلَّمَهُمْ يَسُوعُ قِائِلاً:
«تَشَجَّعُوا! أَنَا هُوَ. لاَ تَخَافُوا». (متى ١٤: ٢٤-٢٧)

ايوه جالهم ماشي على البحر الهايج يعني فوق كل هيجان قدامك
فوق كل ظروف مضطربة حواليك💪
فوق كل سواد و عتمة شايفهم◾️
فوق كل ضعف إنت فيه
فوق كل هزيمة و استسلام مريت بيهم
جاي في آخر الليل ... في الوقت اللي فقدوا فيه الأمل
يمكن حالتنا صعبة و يمكن حاسين إن الأمل ضاع
و الظلام بيسود و حتى لو كان جوانا خوف
لكن
هو جاي و بسلطان على كل سواد يخليه نور🌟
جاي بسلام و نصرة وقوة💪

استناه و ثق فيه
وافتكر إن هو هيجي حتي لو انت في الهزيع الرابع 💜