منتدى الفرح المسيحى - انت مش بتهملني يارب حتي لو انا ماليش قيمه

https://upload.chjoy.com/uploads/167994941145891.jpg

الورده دي ماكنتش كده
كان شكلها حلوه
ومنوره المكان
الورده دي اديتك كل قوتها
اديتك شكل جمالي عينك ارتاحتله
اديتك نفسيه مرتاحه كل بس ماتشوفها
اديتك ربحه حلوه تشمها تخليك في مود حلو
الورده دي كانت جميله لما كنت انت مهتم بيها
اول ما اهملتها وبقيت شايفها قدامك ما هي حلوه اهيه
ماهي لسه فيها ريحه
مع الاهمال هي دبلت وبقيت لما تمسكها تتكسر لانها نشفت
احنا كمان كده
بنبقي في الاول حلوين ويتحافظ علينا ونفضل ندي ندي ندي
وفجاءه تلاقينا دبلنا واقل لمسه تكسرنا
ده مش علشان احنا غلط
بس ده لان محدش بقي بيهتم
بقي اللي حوالينا فاكرين مدام الورده موجوده ولسه شكلها حلو هي تمام
بس اللي ماتعرفوش ان الورده بتموت بالبطئ
والشخص عمال يموت بالبطئ
الاهمال بيموت الشخص مع الوقت بيحوله لشخص دبلان ورقته ناشفه واي لمسه تكسره
وخلي بالك اه ورقته ناشفه بس عمرها ما بتجرح حد هي بس بتكسر بسهوله
عارفين بقي انا نفسي في ايه ؟
اقوله يارب انا الورده دي
انا الورده اللي كانت حلوه وعماله تدي تدي بس الاهمال قتلها
تعالي انت بقي وخد وردتك اللي دبلت
رش عليها ريحه حلوه خليها ترجع سهله
تعالي امسك الورده دي واجعل حتي من الدبلان بتاعها زينه تعمل شكل وهي حتي دبلانه
انت مش بتهملني يارب حتي لو انا ماليش قيمه
فلا تهملني ولا تتباعد عني