منتدى الفرح المسيحى - بلاش تعمل زيهم

https://upload.chjoy.com/uploads/167989738732641.jpg

من ضمن الحاجات اللي بنقيم بيها الآخرين
هي المظهر.. بص ده لابس ازاي؟
معاه موبايل إيه؟
والتاني.. لا شكله على قد حالة!
وطبعاً بنميل أننا نتعامل مع الناس الشيك
أو زي ما بيقولو.. ولاد الناس.
لكن الكتاب المقدس بيحذرنا من أننا نعامل الناس
اللي بتدخل الكنيسة على أساس المظهر،
ده لبسه كويس يقعد هنا وده فقير يقعد هناك،
وبيقول ان ده محاباة ومش تنفيذ
لوصية تحب قريبك كنفسك، وأن ده تفكير شرير.
التحذير ده مكتوب في رسالة يعقوب الأصحاح التاني،
متنساش تقراء النص بنفسك.