منتدى الفرح المسيحى - بعد الكنيسه مافيش حاجه تريح

https://upload.chjoy.com/uploads/167951570250121.jpg

https://upload.chjoy.com/uploads/167951554073931.gif
بعد الكنيسه مافيش حاجه تريح
الكنيسه بالنسبالي المكان الوحيد اللي مافيهوش ضغط
الكنيسه المكان الوحيد اللي بحس فيه اني طاير
الكنيسه المكان الوحيد اللي بخاف اخرج منه فعلا
جوه الكنيسه الضحكه فيها من القلب
والدموع فيها خير مش حزن
القاعده علي الارض فيها بالدنيا
لو فردت ضهري علي الارض فيها بمليون سرير مريح انام عليه
لو كلت حتت قربانه فيها وكبايه قهوه كده مع ولاد الكنيسه بمليون مكان تاني

https://upload.chjoy.com/uploads/167951554073931.gif

الوقفه فيها ليها مليون معني
والقاعده فيها ليها مليون احساس
الكنيسه المكان الوحيد اللي مش بحس فيه اني تقيل علي اللي فيه
الكنيسه فعلا المكان الوحيد اللي بحس فيه اني مش ضيف
الكنيسه مكاني

https://upload.chjoy.com/uploads/167951554073931.gif
(ارجوكم بلاش نلوث المشاعر دي بقلوب مش صادقه
لان لو الكنيسه الناس اللي فيها حاسسونا عكس كده مش هانلاقي حته جوه الدنيا تفرحنا
وهانستني مكانا اللي ربنا بيعده لينا
ارجوكم خلونا بالمشاعر دي لحد ما يجي
ارجوكم خلونا بالمشاعر دي لان الواحد مابقاش عنده فرحه ثابته ومريحه غير جوه الكنيسه )
حافظوا علي الكنيسه وعلي مشاعرنا جوه الكنيسه