منتدى الفرح المسيحى - خليك يارب جوه رسالتي

https://upload.chjoy.com/uploads/167891639080941.jpg

في رساله ربنا خلق الواحد علشانها وممكن الرساله
دي من وجعها انك تكون لوحدك في حاجات كتير
في حياتك ويبقي حرفيا ربنا جابك
( تخدم لا لتُخدم)
ولما بتروح لمنطقه غير رسالتك
اللي هو تعوز تتخدم
تتحب
تتسند
تلاقي زي ما بتقدم بتاخد
كل ده هاتلاقى فيه وجع اكبر بكتير من وجع
اللي جوه رسالتك لانك مش هاتلاقيه وهاتتعب وهاتفضل بردو لوحدك
الوجع اللي جوه رسالتك معاه مجد واكليل وكرامه
لكن الوجع اللي بره رسالتك فيها اهانه وجرح كبير وشخصيتك نفسها مش موجوده
لو رسالتك تاهت بسبب انك احتاجت تعيش حاجه بره رسالتك
قوله يارب بس ساعدني لانك عارف اني ضعيف
تعالي انت يارب املي رسالتي بمحبتك
خليك جوه رسالتي الحضن والاحتواء والتقدير
خليك جوه رسالتي الاخ والاب والام والصاحب
خليك جوه رسالتي طبيب يسند كل جرح فيا
خليك يارب جوه رسالتي
ولما احتاج سنده ابعتلي اللي شبهك وشبه قلبك