منتدى الفرح المسيحى - الامومة هي الاحساس بالذنب

https://upload.chjoy.com/uploads/167886046691721.jpg

من لحظة ما تحسي إنك حامل بيكون جواكي إحساسين
مهمين قوي
الأولاني هو الإحساس بالأمومة
والتاني هو الإحساس بالذنب
إحساس الأمومة حاجة من ربنا كدة جوة كل أم
لكن الذنب حاجة بتيجي من أفكارنا ومعتقداتنا
زي مثلًا يا ترى الأكلة دي هتأثر على البيبي ولا لا؟
اعمل شعري لون ولا ده مضر؟ إلحقوني أنا عملت كذا
أو كذا هيأثر ولا لا
وبعد الولادة، يا ترى شبعان مني ولا لا؟ أنا متدمرة نفسيًا
لأن الدكتور كتب لبن صناعي؟ وهكذا
يكبروا شوية طيب أنا بأربي صح ولا لا؟ بقضي وقت معاهم كفاية ولا لا؟ راعيت ربنا فيهم ولا لا... وتفضل دايرة الأسئلة

حولنا كل لحظة حلوة في حياتهم لإحساس بالذنب
ولتفكير عميق بيفقدنا حلاوة إنك تعيشي اللحظات دي معاهم
مش هنقدر نمنع الإحساس بالعكس ده بيقول إنك أم مسئولة
وبتهتم بأولادها وتفاصيلهم
لكن هنرد على الذنب ده بإن حبي ليهم ووعيّ
وقرايتي عنهم قبل ما يجوا للدنيا هتوفر عليا كتير
من لحظات فرحة مسروقة مني بسبب القلق والذنب والتقصير