منتدى الفرح المسيحى - اما الله فقصد به خيرا

https://upload.chjoy.com/uploads/167861050509461.jpg

مكانش يتوقع أبداً إن أحلامه اللي الرب إدهاله
ممكن تكون هي سبب تعبه وشقاه وإضطهاد أقرب الناس ليه😲
كان بيحكي عن أحلامه ومقتنع بيها🙂
بس لما جِه عند الواقع كان حاله بيقول مستحيل الأحلام
دي تتحقق إلا لما يدخل في الأمور الصعبة دي كلها
وكأنها عاملة زي المحطات في حياته علشان تتحقق أحلامه 😞
فَهَا نَحْنُ حَازِمُونَ حُزَمًا فِي الْحَقْلِ، وَإِذَا حُزْمَتِي قَامَتْ وَانْتَصَبَتْ
، فَاحْتَاطَتْ حُزَمُكُمْ وَسَجَدَتْ لِحُزْمَتِي». (التكوين ٣٧: ٧)
يوسف لو كان ركز علي الواقع بتاعه
واللي حصل معاه كان نسي أحلامه وكان فضل عايش في جراحاته
لكن أحلامه اللي شافها كانت سبب قوي ودافع ليه إنه يتحمل كل عقبات كانت ممكن تفرمه وتنسيه كل حاجة
و في الواقع أوقات بتكون فيه فجوة كبيرة
لكن أشجعك
إمسك في حلمك ... في وعد الرب ليك في كلمته اللي قالهالك
لأنها هتتحقق حتى ولو بعد سنين✌️
وفعلاً حزمة يوسف وقفت في الوسط وباقي الحزم سجدت لها 🤴
هي دي الصورة النهائية في تحقيق الحلم بس كان خلاله ضرب
وبيع وتنازل عن المكانة (لدرجة إنه بقى عبد)
ويتظلم لحد لما بقى أهم راجل في كل أرض مصر 😯
أَنْتُمْ قَصَدْتُمْ لِي شَرًّا، أَمَّا اللهُ فَقَصَدَ بِهِ خَيْرًا (التكوين ٥٠: ٢٠)
حتى لو الوقت اللي بتمر بيه صعب امسك في حلمك وطالب الرب بيه مهما كانت الظروف 😊
لأنه حتى الواقع لو كان شر حواليك هو قادر يحوله لخير ليك💜