منتدى الفرح المسيحى - الحماية من الخذلان

https://upload.chjoy.com/uploads/167852636218271.jpg

أحيان كتيرة بناخد الجانب المتطرف من التوقعات
ونقرر إن منتوقعش أو نستنى أي حاجة من أي حد في العلاقات عشان منتعرضش للخذلان فنعتزل كل شيء وأي شيء وأي حد
وأهي عيشة والسلام شوية عشان خاطر العيال
وشوية عشان المركب تمشي وشوية عشان
دي صاحبة عمري والعمر مفيهوش كتير عشان أعمل صاحبة تانية...

في الواقع مش المطلوب تحمي نفسك من الخذلان
بإنك تنسحبي من الحياة
لكن عشان أوصل لتوقعات شافية ومشبعة محتاجة أمشي سكة
سكة أعرف فيها نفسي وإحتياجاتي
سكة أعرف أعبر فيها عن إحتياجاتي وده
لا يقل أهمية أبدًا عن معرفتي أنا ليها
سكة أختار فيها الناس الصح اللي تقدر تشبع التوقعات دي
سكة نتفاهم ونتكلم كتير قوي عن كل اللي جوانا
وإيه اللي يبسطنا ويسعدنا وإيه اللي نقدر نقدمه لبعض
من غير تحميل ومجهود يكسر الضهر
عشان أحمي نفسي من الخذلان محتاجة امشي السكك
دي والنتيجة هتكون مبهرة
تفتكري إيه تاني ممكن نعمله عشان نشبع توقعاتنا من الناس؟