منتدى الفرح المسيحى - الصورة بعنوان يسوع يعظ في القهوة ؟!

https://upload.chjoy.com/uploads/167852062615071.jpg

الصورة بعنوان
يسوع يعظ في القهوة ؟!
هل يليق بيسوع أنه يقعد على قهوة؟؟؟؟
هو لو يسوع موجود في أيامنا كان هيعمل كده؟
يعني يدخل قهوة وناقص كمان تقولي يدخل سينما!!!
شوفت تعليقات كتير عن الصورة دي بين المؤيد وبين الرافض.
المؤيدين للصورة وأنا واحد منهم شافوا فيها يسوع الراعي الصالح
والأب الحنين اللي بيدور على ولاده ويفتقدهم،
شوفت فيها يسوع الذي يجول يصنع خيرًا من غير ما يحده مكان ولا زمان.
شوفت فيها يسوع اللي انتظر السامرية، واللي دوّر على ذكّا،
واللي كان قعدته دايمًا ما بين الخطاة والعشارين، واللي كانت ثمار قعدته معاهم توبة وقداسة.
وعلى الجانب التاني شوفت اللي رافضين وبالنسبالهم الصورة فيها تعدي واضح وصريح على يسوع.
وبالنسبالهم يسوع مستحيل يعمل كده، لأسباب كتيرة منها
وأهمها أن الأماكن دي غير مقدسة ولا تليق بكرامة يسوع،
وأن كان ده افتراض مرفوض بالنسبالي.
لكن الحقيقة هي أن يسوع هو مصدر القداسة الكامل واللي بوجوده في أي مكان،
يقدّر يخليه طاهر ومقدس.
ببساطة علشان الله يُطهر ولا يتدنّس، و الله دائما هو الفاعل والمؤثر.