منتدى الفرح المسيحى

https://upload.chjoy.com/uploads/167808312984691.jpg

دانيال وهو للمرة التانية قدام الملك نبوخذ نصر
ومطلوب إنه يفسر تاني حلم للملك..

تفسير الحلم ده يُعتبر كارثة للملك..
مش عارف إزاي دانيال جاله قلب يقول للراجل الصعب
ده إنه هيطّرد من بين الناس وهتكون سكناه مع الحيوانات
وهياكل العشب زي الثيران..

دانيال ماخافش وقال التفسير مظبوط.. بصراحة شجاعة رهيبة جدااا
لكن الأغرب إنه ماسكتش لحد كده.. ده قدم كمان نصيحة مريبة للملك..

تخيلوا قاله إيه؟
قاله:
فَارِقْ خَطَايَاكَ بِالْبِرِّ وَآثَامَكَ بِالرَّحْمَةِ لِلْمَسَاكِينِ
، لَعَلَّهُ يُطَالُ اطْمِئْنَانُكَ». (دانيال ٤: ٢٧)

يادي قلبك يا دانيال.. ده وقته الكلام ده؟
المفروض إنك تشجع الراجل و تقولّه معلش يا سيادة الملك..
هتستحمل الوضع الصعب لوقت و ربنا هيفكها عليك..

وأنا بتأمل في القصة دي بصراحة حزنت على الوضع المقلوب اللي بقينا عايشين فيه.. بقينا بنحلل الخطية بمصطلحات واهية كدابة..

بقينا بنجامل على حساب القداسة..
وصل الحال بينا إننا بنشجع على الفساد بشكل مستخبي
جوه مصطلحات رماها علينا العالم..

وصلنا إننا بنجامل بعض على حساب مبادئ كلمة الله..

أحبائي.. لا دبلوماسية مع الخطية والأشرار..
الشر شر والخطية خطية..

يارب إرحمنا من كل رياء ومجاملات شريرة أبعدتنا عن قداستك
فارق_خطاياك