منتدى الفرح المسيحى - صديقي الله.. وحشتني

https://upload.chjoy.com/uploads/167803631132331.jpg

صديقي الله..
وحشتني..

وحشني حوارنا المفتوح اللي مابيخلصش..
وحشني اشاركك تفاصيلي الصغيرة الغير مهمة بالمرة،
بس عندك أنت كانت اهم حاجة في الكون..
وحشني البراح والثقة والامان اللي كنت بحس بيهم في حضورك..

العالم ضيق اوي يارب، الناس صعبة، أنا نَفسي صعب ومُعقد..
ومحدش بقى مستحمل

‏كُلك وحشتني، ونفسي ولو وقت صغير
ارجع ادوق الحياة معاك من تاني،
وقت صغير اسرقه من دوامتي وحياتي المطفية دي يارب..

وقت صغير.. اشوفك فيه..
واقولهاك وانت قدامي..

يا صديقي الله..
وحشتني..