منتدى الفرح المسيحى - شخصيات كتابية نتعلم منها {أخزيا بن آخاب}

https://upload.chjoy.com/uploads/167787548008951.jpg

أخزيا بن آخاب
معنى اسمه الرب يمسك أو الرب يسند
الأول لازم نعرف ان في ملكين باسم أخزيا
الأول هو أخزيا بن آخاب وإيزابل
والتاني هو أخزيا بن يهورام وعثليا
وده اللي تسبب في شبهات عن عمر أخزيا عند المشككين في الكتاب المقدس
تعالوا النهاردة نتعرف على أخزيا
أبوه آخاب بن عمري اللي اتعرفنا عليه في الشخصية رقم (175)
وأمه إيزابل اللي اتعرفنا عليها في الشخصية رقم (174)
حكم سنتين بس
تعالوا نشوف ونتأمل في شخصية أخزيا ونشوف هنتعلم ايه؟
1- أخزيا الشرير
ايه اللي يحصل من زواج أخاب الشرير من إيزابل الشريرة
غير أخزيا اللي تفنن في الشر أمام الرب
وقيل عنه في ملوك الأول 22
53وَعَبَدَ الْبَعْلَ وَسَجَدَ لَهُ وَأَغَاظَ الرَّبَّ إِلَهَ إِسْرَائِيلَ حَسَبَ كُلِّ مَا فَعَلَ أَبُوهُ.
2- أخزيا العنيد
كان أخزيا عنيد جدا لدرجة لما وقع من الكوة واتكسر طلب بعل زبوب
2وَسَقَطَ أَخَزْيَا مِنَ الْكُوَّةِ الَّتِي فِي عُلِّيَّتِهِ الَّتِي فِي السَّامِرَةِ فَمَرِضَ،
وَأَرْسَلَ رُسُلاً وَقَالَ لَهُمُ: «اذْهَبُوا اسْأَلُوا بَعْلَ زَبُوبَ إِلَهَ عَقْرُونَ إِنْ كُنْتُ أَبْرَأُ مِنْ هَذَا الْمَرَضِ»
وبسبب عنده ارسل للقبض على إيليا النبي
وتسبب في مقتل فرقتين جيش قائدين و100 جندي نزلت نار من السماء
وأكلتهم وكان هيموت قائد وخمسين تاني لولا قائد الخمسين اللي تضرع لإيليا انه يروح لأخزيا
3- أخزيا المعاقب
عرفنا من الشخصيات المتكبرة ان الله يذل المتكبر
والله فعلا انهى حياته حياة غير مؤسوف عليه
في ملوك الثاني 1
16وَقَالَ لَهُ: «هَكَذَا قَالَ الرَّبُّ: مِنْ أَجْلِ أَنَّكَ أَرْسَلْتَ رُسُلاً لِتَسْأَلَ بَعْلَ زَبُوبَ إِلَهَ عَقْرُونَ،
فَهَلْ لاَ يُوجَدُ فِي إِسْرَائِيلَ إِلَهٌ لِتَسْأَلَ عَنْ كَلاَمِهِ! لِذَلِكَ السَّرِيرُ
الَّذِي صَعِدْتَ عَلَيْهِ لاَ تَنْزِلُ عَنْهُ بَلْ مَوْتاً تَمُوتُ». 17فَمَاتَ حَسَبَ كَلاَمِ الرَّبِّ الَّذِي تَكَلَّمَ بِهِ إِيلِيَّا
تعالوا نطبق اللي اتعلمناه
1- مهما كان الوسط اللي انت عايش فيه شرير حكم عقلك واسمع المشورة الصالحة
وابعد عن وسط الشر حتى لا تنتهي نهايتهم
2- ابتعد تمام عن العناد لأن العناد كخطية عبادة الأوثان زي ما قال صموئيل النبي
صموئيل الأول 15
23لأَنَّ التَّمَرُّدَ كَخَطِيَّةِ الْعِرَافَةِ, وَالْعِنَادُ كَالْوَثَنِ وَالتَّرَافِيمِ.
3- البس التواضع وابتعد عن الكبرياء لأن الله يقاوم المستكبرين ويقف ضدهم
وانت مش حمل تقف قدام ربنا