منتدى الفرح المسيحى - مش ناوى تقعد مع ربنا القاعدة دي بقي؟

https://upload.chjoy.com/uploads/167779874663711.jpg

تخيل شغلك يبقى انك تجمع فلوس من الناس
شغلانة سهلة و حلوة مش كدة؟
طب تخيل توصل لمرحلة الغنى بالشغلانة دى بس بشرط واحد بس موافق؟؟
الشرط هو إنك هتاخد جزء صغير خالص زيادة عن الفلوس اللى المفروض تاخدها💰💰
ها لسه موافق ؟؟؟؟
صاحبنا كان موافق.
وفضل يعمل كده لحد ما كان غنى جدا 😅
بس صاحبنا ده فى يوم قابل المسيح والمسيح طلب منه إنه يستضيفه فى بيته
"فَلَمَّا جَاءَ يَسُوعُ إِلَى ٱلْمَكَانِ، نَظَرَ إِلَى فَوْقُ فَرَآهُ، وَقَالَ لَهُ:
«يَا زَكَّا، أَسْرِعْ وَٱنْزِلْ، لِأَنَّهُ يَنْبَغِي أَنْ أَمْكُثَ ٱلْيَوْمَ فِي بَيْتِكَ»."
(لُوقَا ١٩ :٥)
ايوه صاحبنا ده هو زكا، زكا كان عشار بس كان بياخد بزيادة عن الحق
بس لما قابل يسوع وسمع كلمته حس بغلطه و اد إيه هو كان ظالم
وقرر إنه هايرد للناس حقها، أربعة أضعاف كمان
"فَوَقَفَ زَكَّا وَقَالَ لِلرَّبِّ: «هَا أَنَا يَا رَبُّ أُعْطِي نِصْفَ أَمْوَالِي لِلْمَسَاكِينِ،
وَإِنْ كُنْتُ قَدْ وَشَيْتُ بِأَحَدٍ أَرُدُّ أَرْبَعَةَ أَضْعَافٍ»."
(لُوقَا ١٩ :٨)
من مجرد قاعدة مع يسوع وقرار، اتغير وبقى إنسان مختلف.❤
مش ناوى تقعد مع ربنا القاعدة دي بقي؟
و على فكرة هو مستنيك بفارغ الصبر و نفسه يكلمك بس انت اسمحله❤