منتدى الفرح المسيحى - الموضوع كله بيتعلق بالثقه والإيمان { المراة نازفة الدم }

https://upload.chjoy.com/uploads/167779692383291.jpg

حابه أوي أشارككم بقصه بحبها أوي وهي نازفه الدم..
امرأة اصيبت بنزيف دموي لمده ١٢ سنه!!
بعيداً عن ألمها الجسدي ومعانتها المستمره
لكن مرضها ده خلاها مش بس تعاني جسديا لكن كمان خلاها تكون نجسه شرعًا حسب الناموس !!
وبيقول كده إنه الست دي راحت لأطباء كتيرة جدًا إلا إنها تألمت كتير أوي
بسبب تجاربهم في شفائها وكمان افتقرت من كتر ما صرفت كل فلوسها
علي الدكاتره عشان تتشفي وتتغير ومتبقاش نجسه في عيون الناس وقتها ..
في انجيل لوقا (٨ :٤٣)
ولكن حينما "سَمِعَتْ بِيَسُوعَ، جَاءَتْ فِي الْجَمْعِ مِنْ وَرَاءٍ، وَمَسَّتْ ثَوْبَهُ"،
قائلة لنفسها بإيمان وثقة: "إِنْ مَسَسْتُ وَلَوْ ثِيَابَهُ شُفِيتُ".
"فَلِلْوَقْتِ جَفَّ يَنْبُوعُ دَمِهَا، وَعَلِمَتْ فِي جِسْمِهَا أَنَّهَا قَدْ بَرِئَتْ مِنَ الدَّاءِ"
، أتشفت في نفس اللحظه اللي مست فيها ثوب يسوع!..
بالرغم من انه فيه الوف ومئات حوالين الرب يسوع كلهم عايزين يتشفوا
لكن بيقول الكتاب كده انه الرب يسوع وقف وقتها وسأل مين لمسه؟
ولما فكرت هو ليه ربنا وقف وقتها وسط الوف من الناس حواليه
وقف مجرد ما المرأه دي لمست ثوبه ليه هي بالذات ؟🤔
عرفت انه ربنا كان بيبحث عن لمسة الايمان..
هي كان عندها إيمان وثقه إنه (مَسَسْتُ وَلَوْ ثِيَابَهُ شُفِيتُ ) ♥
خلي عندك إيمان وثقه إن الله يقدر يغير الواقع ويغيرك حتي لو الكل شايف عكس كده!
الموضوع كله بيتعلق بالثقه والإيمان.
#حمادة_تاني_خالص