منتدى الفرح المسيحى

https://upload.chjoy.com/uploads/167735811172051.jpg

كتير مننا بيحب المسلسلات الجميلة اللي تحسسك
إن الدنيا وردي ومفيهاش مشاكل
والمسلسلات اللي بتتكلم عن قيم وأخلاق والناس بتتغير للأحسن
حتى لو حوالينا مسلسلات تانية توكسيك وأصعب
كلنا بننجذب ناحية الأمل مش ناحية الدراما
وبرضه بننجذب ناحية أصحابنا اللي قعدتهم حلوة
وكلامهم بيدي أمل وانطلاق وبيبقى تقيل علينا وجود طنط كئيبة اللي تخليكي تقطعي شرايينك أخر القعدة
دي حاجة جوانا ربنا خالقنا بيها
حاجة صحية بتخلينا نقدر نعيش
حاجة ساعدت على بقاء النوع البشري مهما قابل من مصايب وابتلاءات
الحاجة دي هي الأمل والرجاء إن بكرة أحلى واللي جاي أكيد أحسن
حاوطي نفسك بناس شايفة ربنا
ناس شايفة إن في أمل
ناس ضحكتها تنور اليوم
ويا سلام لو كنتي إنتي كمان من ضمن الناس دي