منتدى الفرح المسيحى - اى موقف بتمر بيه هو حجر معونه ليك ✨🙏

https://upload.chjoy.com/uploads/167718672589191.jpg

فكرت فى يوم اول ما تصحى من النوم
تفكر فى المواقف الصعبة اللى مريت بيها فى حياتك،
لكن ربنا كان ساندك اوى و كام معين ليك،
وهل فكرت تشارك بيها حد ... فيشجعك وتشجعه ؟

تعال اقولك ان الحته ده بتفرق اوى مع ربنا
ومفيش حاجه هو بيخلينا نمر بيها صدفة

هقولك على موقف حصل فى الكتاب المقدس (يشوع 4 :6،7)
" لِكَيْ تَكُونَ هذِهِ عَلاَمَةً فِي وَسَطِكُمْ. إِذَا سَأَلَ غَدًا بَنُوكُمْ قَائِلِينَ:
مَا لَكُمْ وَهذِهِ الْحِجَارَةَ؟ تَقُولُونَ لَهُمْ: إِنَّ مِيَاهَ الأُرْدُنِّ
قَدِ انْفَلَقَتْ أَمَامَ تَابُوتِ عَهْدِ الرَّبِّ.
عِنْدَ عُبُورِهِ الأُرْدُنَّ انْفَلَقَتْ مِيَاهُ الأُرْدُنِّ.
فَتَكُونُ هذِهِ الْحِجَارَةُ تَذْكَارًا لِبَنِي إِسْرَائِيلَ إِلَى الدَّهْرِ".

شايفين اد اية ربنا مهتم بتشجعنا ... بيقولهم كدة خدوا حجارة
علشان تقولوا لاولادكم بعد مرور سنين
اننا فى يوم كان عندنا مشكلة كبيرة فى العبور
لكن الله شق النهر وعدينا منه
والحجارة دة دليل على عظمة عمل ربنا معانا ..

اشجعك كل موقف عديت بيه دة حجر يشجعك ويرفع ايمانك
متنسهوش لكن تعال انهادرة افتح الموبايل بتاعك
او اى حاجة تفكرك لما ترجعلها كل موقف فى يوم ربنا ساندك فيه
وازاى اعمل كدة وشجع نفسك بده وشجع اللى حواليك بده
وافتكر ان اى موقف بتمر بيه هو حجر معونه ليك ✨🙏❤

❤

🙏