منتدى الفرح المسيحى - بين الغضب و العصبية

https://upload.chjoy.com/uploads/167664055435041.jpg

الغضب طاقة داخلنا
وضعها الله فينا لحمايتنا من مواقف معينة
إنما مش طبع نعيش بيه 😳
فيه غضب واجب و فيه غضب مقدس و ده بيتوقف علي الدافع المقدس و الطريقة المقدسة التي بلا أخطاء او إيذاء أو تعمد أنك تجرح أو تكسر اللي قدامك
علشان كدة الكتاب بيقول
اِغْضَبُوا وَلاَ تُخْطِئُوا. لاَ تَغْرُبِ الشَّمْسُ عَلَى غَيْظِكُمْ، أف ٤ : ٢٦

🗡️🗡️🗡️ الغضب زي ّ السكينة 🗡️🗡️🗡️

ممكن تقطع بيها أحلي سلطة و فاكهة و ممكن تجرح حد أو حتي تقتله بيها 🤔

العصبية بقي 🙈
صورة بشعة لشخص ضعيف أناني لا يتحكم في نفسه
مملوء غضب خاطئ و سخط و مرارة و يسكب كل دة علي اللي حواليه ...
و علشان نكون أكثر دقة هو بيصب جام غضبه الخاطئ ده علي اللي بيحبوه بس ❗اللي محتاجينه بس ❗( زي ّ شريك حياته و أولاده )
علشان عارف أنه في أمان من رد فعلهم
و أنه مافيش خسائر من عصبيته عليهم
العصبية طبع
ناس عايشة بيه بتجرح اللي حواليها و بتقتلهم كل يوم ...
و للأسف الشديد مكملين
💣 و خد بالك أن ربنا يسوع اتكلم عن الغضب
وسط حديثه عن القتل 😳
«قَدْ سَمِعْتُمْ أَنَّهُ قِيلَ لِلْقُدَمَاءِ: لاَ تَقْتُلْ،
وَمَنْ قَتَلَ يَكُونُ مُسْتَوْجِبَ الْحُكْمِ.
وَأَمَّا أَنَا فَأَقُولُ لَكُمْ: إِنَّ كُلَّ مَنْ يَغْضَبُ عَلَى أَخِيهِ بَاطِلاً
يَكُونُ مُسْتَوْجِبَ الْحُكْمِ،
وَمَنْ قَالَ لأَخِيهِ: رَقَا، يَكُونُ مُسْتَوْجِبَ الْمَجْمَعِ،
وَمَنْ قَالَ: يَا أَحْمَقُ، يَكُونُ مُسْتَوْجِبَ نَارِ جَهَنَّمَ.
مت ٥ : ٢١ - ٢٢

😎 إلهنا الصالح لما طرد الباعة من الهيكل ده شكل
من أشكال الغضب المقدس الواجب نري فيها الدافع المقدس و الطريقة المقدسة الخالية من الخطأ ....
إنما دي مش عصبية و ماكانش طبعه كدة ((( حاشا )))

الناس اللي قالوا ما المسيح اتعصب عليهم يراجعوا نفسهم كتيييييييييير

❤️
و بكدة نأكد و نتأكد أنه

مافيش عصبي قلبه أبيض