منتدى الفرح المسيحى

https://upload.chjoy.com/uploads/167662377160931.jpg

صمت إمتى آخر مرة 😅 ؟
فكرة كده جات في بالي و قعدت أفكر هو احنا بنصوم ليه؟
و هنستفاد إيه لما نصوم؟

بافتح الكتاب لاقيت إن المسيح نفسه صام في بداية خدمته
و ده يخلينا نعرف إن الصوم بيدينا قوة في الروح
و إنتعاش في علاقتنا بالله علشان قللنا من إهتماماتنا الأرضية

بيساعدنا إننا نرفع عينينا عن حاجات يمكن بتغرينا شوية
لما نمنع نفسنا عن الأكل أو حتى أكل معين

بنخرج بره سيطرة اجسادنا علينا فبنعرف نتحكم فيها زي ما قال بولس الرسول بَلْ أَقْمَعُ جَسَدِي وَأَسْتَعْبِدُهُ (١ كورنثوس ٩: ٢٧)
الصوم بيهيئنا إننا نتملي من الروح القدس
ده كمان فيه نوع من الشياطين مش بيخرج غير بالصوم و الصلاة
أَلَيْسَ هذَا صَوْمًا أَخْتَارُهُ: حَلَّ قُيُودِ الشَّرِّ. فَكَّ عُقَدِ النِّيرِ، وَإِطْلاَقَ الْمَسْحُوقِينَ أَحْرَارًا، وَقَطْعَ كُلِّ نِيرٍ. (إشعياء ٥٨: ٦)
و القديس مار افرام السرياني قال: "المتهاون بالصوم هو متهاون بكل الجهادات."

وغيرها من فوايد الصوم
ده طبعاً غير الفوايد الصحية للصوم و العلاج بالصوم

وأكرر تاني .. صمت إمتى اخر مرة؟
مش لازم يكون صوم الكنيسة مرتباه بس لكن صوم لنفسك
و لأسباب تانية محتاجة تضرعك قدام الله بالصوم و الصلاة