منتدى الفرح المسيحى - بلاش تكونوا انتوا الكوره البيضه في حياة بعض

https://upload.chjoy.com/uploads/167655680137691.jpg

عارفين البلياردو !
انا معرفتي بيه على قدي
بس بشوف دايماً في بداية اللعب
الكور كلها بتكون لازقه في بعض بشكل متماسك
فتيجي الكورة البيضه تضربهم بقوه ، فتخليهم يتفرقوا
كل كوره بتروح في حته
فاتبدأ بقى توقعهم في الدواير واحده واحده بسهولة

وفي الحقيقه اكتشفت ان التجارب هي الكوره البيضه
اللي ياما دخلت بقوة وسط علاقات متماسكه
زوج وزوجه - اخ واخوه - صديق وصديقه - او عيله كامله
فرقتهم ، ووقعتهم واحد ورا التاني

العيله المتماسكه صعب تقع
الاصدقاء المترابطه صعب تتفرق

دايماً في التماسك انتصار ، مهما كانت قوة الضربه
فـ خليك واثق انك طول مانت لوحدك سهل جداً تقع
فاتمسكوا ببعض علشان تعرفوا تسندوا بعض
- وبلاش تكونوا انتوا الكوره البيضه في حياة بعض