منتدى الفرح المسيحى - هايكمل يحبك ويرحمك

https://upload.chjoy.com/uploads/167649800220151.jpg

في ناس كتير بتستناه لأنها لقيت الشخص اللي تستمتع معاه
بالمشاعر الجميله اللي كلها حب

وفي ناس مش بتحب يعدي عليها اليوم ده
لأنها مفتقده اوي المشاعر ديه
لعدم وجود الشخص المناسب
أو
لفقدان الشخص المناسب

الحقيقي ان اليوم محير اوي
ياما ناس فرحانه ياما ناس بيزيد حزنها

في وسط اللغبطه ديه بقي

في أيه في الكتاب المقدس جميله اوي
بتقول "محبه أبديه أحببتك من أجل ذلك أدمت لك الرحمه
" (أرميا ٣١: ٣)
عارف إن بالعقل البشري صعب نستوعبها
بس لأن الله صادق وأد كلمته ولايمكن يرجع فيها
فلما بيقول حاجه أكيد ينفع تتعاش وتتصدق

هو الشخص الوحيد اللي يعرف يحبك محبه أبديه
علي طوووووول ومش بس كده
معاها رحمه تغرق أيامك فمتخفش بقي لو غلطت
او وقعت او متكلمتش معاه او حتي محبتهوش

لأنه هايكمل يحبك ويرحمك
علي عكس البشر خااالص حتي لو معاك الشخص المناسب فهو في الأخر إنسان اكيد بيتغير وبيغلط

ياالله ساعدني وساعد كل شخص أنه يصدق ويستقبل محبتك
ويستمتع بيها ساعتها الأيام كلها هاتبقي مليانه بالحب

كل سنه وأنتم طيبين