منتدى الفرح المسيحى - من يتبعني يكون له نور الحياه

https://upload.chjoy.com/uploads/167649732217731.jpg

ساعات كتير بنتخبط جوانا في حتت ظلمه
محدش يعرف عنها حاجه
تقدروا تقولوا كده أسرار

زي مثلا غلطه محدش يعرف عنها حاجه
عاده مش عارفين نتخلص منها
جرح مقفول وجعنا
ذكري مؤلمه
وحاجات كتير اوي
وياسلام بقي لو خليط من كل ده
كم تخبيط وتوهان أوقات مش بنقدر نتحمله
لدرجه إننا مش بنكون طايقين نفسنا

في أيه جميله في كلمه الله في الكتاب المقدس بتقول
"انا نور العالم من يتبعني فلا يتخبط في الظلام بل يكون له نور الحياه" (يوحنا ٨: ١٢)

تخيل بقي لما يكون في نور موصوف بالحياه
خليط كده مرتبط ببعضه
يفك عقدة إي ظلمه

بس المفتاح في إنك تتبع الله النور الحقيقي اللي بيدي حياه
وينهي علي اي ظلمه وتخبيط جواك
بس أطلبه من قلبك

يالله النور بطلبك تملك علي حياتي وقلبي
بكل ظلمه جواها ساعدني اعرفك واتبعك فيكون ليا نور الحياه
امين