منتدى الفرح المسيحى - بأشكرك لأنك عملتني قطعة مميزة نادرة أصلية

https://upload.chjoy.com/uploads/167612314514081.jpg

حبيبي الله،
بأشكرك لأنك عملتني قطعة مميزة نادرة أصلية،
ببصمة إيد وعين وصوت متفردة، وبدقة قلب فريدة من نوعها.

دقة قلب عاطفية جواها حقيقتي، سرعتها بتختلف حسب مشاعري،
دقة بتجري وتشاور على شغفي، دقة تقول إني في المكان الصح،
وإن دى الشغلانة الصح، وإن دي العلاقة الصح.

بأصلي ماضيعش عمرى في المكان الغلط
ولا اكون مكمل في حاجات مبحبهاش وأسيبها تطفيني
ولا أختار العادي وأفوت على نفسي حقيقة قلبي.