منتدى الفرح المسيحى - كلمات ترنيمة | ياللى بتقابل وحاشتى بكل نعمة وكل جود

https://upload.chjoy.com/uploads/167554954889011.jpg

ياللى بتقابل وحاشتى بكل نعمة وكل جود
وبأمانتك تيجى شاطب على الخيانة وعلى الجحود
ولما بسأل ليه ده كله السؤال مالهوش ردود
غيرك انت شايفنى غالى وبغلاوة مالهاش حدود
ولما أشوف إيدين تطبطب من ورايا ف الآهات
والعينين أرفعها أشوفك جاى ليا بتطمينات
رغم لسة الحزن باقى بلقى نفسي في ثبات
واعترفلك مستاهلشى بأى شكل وحسابات
جوه فكرى وف دواخلى ياما فيها ذكريات
والسطور مكتوب عليها عن فشل من وقت فات
بفتكرلك لما جتنى وعملت المعجزات
ولما كانت نازلة حالتى جيت رفعت بترنيمات
أصلك أنت ياربي طيب بتخجلنى بإحسانات
هى فاقت كل شرى و أى عند وجاهلات
ولما تيجى ترد نفسى وتداوينى م الآنات
أدرك إنى غالى جدا وبتنسى كل اللى فات