منتدى الفرح المسيحى - حول شكواك لصلاة

https://upload.chjoy.com/uploads/167546265496971.jpg

من يومين كده كنت متضايقة من حد شايفة إنه مش بيحبنى
من غير اى أسباب مقنعة ......من غير اى مواقف بيننا...🤨 💁🏼‍♀️🤷🏼‍♀️
بس الواضح طول الوقت إن الشخص عايز يبين لى إني مش فارقة له...
ومهما بأقدم من مواقف بتبين محبتي برضه بيرفضها وبيترجمها لشر 😞😭😢..
وانا بأصلى وعمالة اشتكى لربنا حالي 🤣🤣🤣
واقوله ليه ؟؟؟؟انا عملت إيه ؟؟؟؟ إنت شايف الظلم ....
لاقيت آية بتتردد جوايا أما أنا فصلاة ....فأنا اتعجبت أوي ⁉️‼️❓❗❕
ايه اللى جاب إيه لإيه...انا عايزة كلمة تشجعنى .🗣️....
.كلمة تقولي هارفع رأسك..هاجيب حقك ..
..اى حاجة من هذا المنوال 🤗
وبرضه لسه الآية بتتكرر أما أنا فصلاة🙏🏻
اخيراً قررت ادور على الآية دي هي فين ولقيت الكلمات دي 📖
لِأَنَّهُ قَدِ ٱنْفَتَحَ عَلَيَّ فَمُ ٱلشِّرِّيرِ وَفَمُ ٱلْغِشِّ. تَكَلَّمُوا مَعِي بِلِسَانِ كِذْبٍ
، بِكَلَامِ بُغْضٍ أَحَاطُوا بِي، وَقَاتَلُونِي بِلَا سَبَبٍ.
بَدَلَ مَحَبَّتِي يُخَاصِمُونَنِي. أَمَّا أَنَا فَصَلَاةٌ. وَضَعُوا عَلَيَّ شَرًّا بَدَلَ خَيْرٍ،
وَبُغْضًا بَدَلَ حُبِّي.
اَلْمَزَامِيرُ 109:2*-‬5 AVD
وكانت المفاجأة😳🧐 أنها كلمات بتوصف حالتي بالظبط...
..وكانت كلمات ربنا حولي الشكوى لصلوة ....
ايا كان اللى بتعدى بيه ومش فاهمه
...حول شكواك لصلاة ......وهو هيتدخل..
..هو هيعدى بيك 🙏☺️🙌
صباحك صلاة 🤗🙌☺️