منتدى الفرح المسيحى - هي الصلاة ممله

https://upload.chjoy.com/uploads/167528594631031.jpg

بما إن ربنا هو اللي خلقنا
إذاً لازم يكون فيه تواصل بينا وبينه 🙇‍♂️
وعلشان يكون فيه تواصل لازم يكون فيه حوار
وانا هاعمل الحوار ازاي مع ربنا ؟ 🤔
يبقى لازم أكلمه 🗣️
أكلمه عادي كده؟
في كل وقت وفي أي مكان
اه طبعاً لأنه متاح 😇
يعني مش بس لما يكون عندي مشكلة 😞
أو إحتياج 😏
او كارثة 😳
قرار لازم أخده 🤔
او داخل علي إرتباط 🤍
أو عندي حد مريض 😓

للأسف دي بس المواقف اللي بنلجأ فيها لربنا
لكن لما هو يقول في الكتاب
يَنْبَغِي أَنْ يُصَلَّى كُلَّ حِينٍ وَلاَ يُمَلَّ (لوقا ١٨: ١)
يبقى أكيد مش في المواقف دي بس
ده كمان وقت فرحك ونجاحك وتميزك
يعني من الآخر في كل وقت وفي كل الظروف 😄
يعني مش هأمل؟!
وارد ... بس كل ما تعمق العلاقة معاه والحوار يزيد
وتشركه معاك في كل موقف
هتشوفه وهو بيقودك ويرشدك وينصحك 😇
العلاقة هتكبر والملل يقل
لأن العلاقة معاه حية✌️