منتدى الفرح المسيحى - بأشكرك لأنك ثابت وصلاحك مش مرهون بصلاحي

https://upload.chjoy.com/uploads/167495015636941.jpg
بابا حبيبي،
بأشكرك لأنك ثابت وصلاحك مش مرهون بصلاحي.
بأشكرك لأنك وانت إله الامانة الكاملة مش متوقع منى اكون كامل.
بأشكرك لانك بتحترم ضعفي وبتقبل كل ألوان مشاعري
باشكرك انك بتقبل تذمري ومجادلاتي واتهاماتي ليك بالظلم
والخيانة والتخلي عني ومش بترفض غضبي ولومي ومرارتي وشكي.

شكرًا انك امين مهما عكيت.
وانا باختار اكون امين في مشاعري واحكي معاك بالظبط كل اللى حاسه..
اتعمق في صداقتي معاك اعرفك واثق فيك وفي صلاحك وحكمتك..
اطيعك واهتم باللي يهمك.. بأختار اقرب منك بكل جهدي أحبك واحكي عنك..