منتدى الفرح المسيحى - *صبحيّة مع الرّب :* 2023/1/28

*صبحيّة مع الرّب :*

https://upload.chjoy.com/uploads/167489265250661.jpg

حلو لمّن بيطلع فجر الصباح بألوانو،
بس الأحلى لمّن بيكون حامل معو نورك اللي بيملّيه حياة
يا إلهنا الحبيب، لهيك قد ما نسبّحك ونشكرك بيضلّ قليل.

يا ربّي يسوع، إنت اللي إخترت تلاميذك متنوعين ومختلفين بأفكارن ومراكزن، وعطيتن هدف واحد إنّن يكونو عمّال صالحين لكرمك
، لهيك عرفو كيف يدعو وينشّأو عمّال جيدين يقدرو يكمّلو رسالة البشارة.

ونحنا كمان يا ربّ، أبناءك وبناتك، عطيتنا هالصفة بالمعموديّة،
بدنا نكون خدّام وخادمات بحقلك، نزرع ونفلح ونحصد بكرمك،
كرم المحبّة والرحمة والسلام.

وما في أجمل من إنّنا نعطيك ذواتنا بكلّيتا
يا ربّ تا تكون إنت الملك فيها وعريسا وحاميها.