منتدى الفرح المسيحى - هسيب التدبير عليك

https://upload.chjoy.com/uploads/167481825223991.jpg

أنا حاسة بيكي وإنتي مخنوقة
حاسة بيكي وإنتي من روتين لروتين
حاسة بيكي وإنتي بتحاولي تدبري وتوفري وتجيبي أبسط الإحتياجات
حاسة بيكي وإنتي بتستغني عن بنود كاملة في الميزانية
عشان تقدري تكفي
حاسة بيكي وإنتي نفس المرتب والأسعار بقت أضعافه
حاسة بيكي وإنتي جواكي أحلام وخلاص أجلتيها
عشان ملهاش مكان دلوقتي
حاسة بيكي وإنتي يدوبك عايزة تعيشي
اللي أقدر أقولهولك ارفعي قلبك لربنا وقولي يا رب
يا رب لو المرتب مش هيزيد ولا الأسعار هتقل
لكن بارك إنت في القليل وخليه يشبع ولادي ويشبع ناس تانية
إنت عملتها زمان يا رب وتقدر تعملها تاني.
. يدوبك خمس أرغفة وسمكتين شبعوا خمسة آلاف...
أنت الله لا تتغير
بننتظر من جلالك معجزة كل يوم أشوف فيها بركة في القليل
معجزة تخليني متعبش من كتر التفكير وأسيب التدبير عليك
شكرًا لأنك بتطمن قلبي