منتدى الفرح المسيحى - يسوع حلو ويتحب ❤❤

https://upload.chjoy.com/uploads/167417004558891.jpg

ساعات نسأل ....ازاي نحب ربنا ؟!
ببساطة هنقلد داؤد لما كان بيقول لربنا "أَشْبَعُ إِذَا اسْتَيْقَظْتُ بِشَبَهِكَ." مز ١٧
كأنك بتقول لربنا أنا بصحي الصبح بفرح واشبع لما اشوفك
والاقيك قدامي ❤️
لما تشوف حد بتحبه قلبك بيدق بسرعة وتقول دا يوم مفيش احلي منه
ولما تشوف ربنا في صلاتك تقوله انا بحبك ومشتقالك
ويبقي قلبك فرحان بكلامك معاه و عاوز ينط في حضنه ....
زي إحساسك في المدائح في التسبحة❤️
عِنْدَ لَهَجِي اشْتَعَلَتِ النَّارُ. تَكَلَّمْتُ بِلِسَانِي مز ٣٩
وتبقي هيمان في حلاوته وايده اللي سانداك وتقوله
أنا ببقي عطشان و اشوفك اتروي "كَمَا يَشْتَاقُ الإِيَّلُ إِلَى جَدَاوِلِ الْمِيَاهِ،
هكَذَا تَشْتَاقُ نَفْسِي إِلَيْكَ يَا اللهُ" مز ٤٢.
بتحب ربنا بمشاعرك وعواطفك
تحبه لأنه يستحق الحب ، لأنه بيحبك من غير ولا شرط
تحبه لانه صالح ... وطيب ...وجميل
يسوع حلو ويتحب ❤❤