منتدى الفرح المسيحى - داخلها أمان خارجها طوفان

https://upload.chjoy.com/uploads/167379247905541.jpg

الكنيسة هي البيت ⛪❤️
مهما تبعد مش هترتاح غير في الكنيسة
مهما تسيبها هتلاقي نفسك مشتاق ليها
مهما الناس عملوا وضايقوك بتزعل .
. بس قلبك لسة جوه الكنيسة ⛪❤️

حتى لو عقلك قالك حاجة تاني .. أنا متأكد إن قلبك هناك
وانت ماشي في الشارع لو لقيت باب كنيسة
حتى لو متعرفهاش بتبتسم .. بتفرح … بتحس بدفى ❤️
دفى حلو كده .. اللي هو أنا تبع هنا 🥰
ولما بتوصل كنيستك بعد البعاد
.. بتبقي عاوز تاخد كل حاجة فيها بالحضن 🤗

كفاية إنك تبص على الهيكل .. وتحس براحة وتقول أخيرا أنا هنا
… كنيستي هي بيتي … هي أمي هي سر فرح حياتي ❤️
ومفيش مكان أجمل منها أبتدي فيه السنة ❤️

إحنا هنفضل طول العمر ممتنين لكل لحظة بنعيشها جوه الكنيسة
.. بألحانها وتسبحتها وتراتيلها وبخورها ومذبحها وأيقوناتها
.. وكل ركن فيها ..❤️

حقيقي مش بعرف أتنفس وأنا بعيد عن الكنيسة 🥰

#جرب تقرب
#كنيستي القبطية
#داخلها_أمان_خارجها_طوفان

✝️